Ho Karam Sarkar Ab Tou Ho Gaye Ghum Beshumaar
Jaan-O-Dil Tum Par Fida Ae Do Jahan Ke Taajdar
Mein Akela Aur Masail Zindagi Ke Beshumaar
Aap Hee Kuch Kijiye Na Ae Shah-e-Aali Waqaar
Yaad Aata Hai Tawaf-e-Khana-e-Kaba Mujhe
Aur Lipatna Multazim Se Waalihana Baar Baar
Sung-e-Aswad Choom Kar Milta Mujhe Kaif-O-Suroor
Chayn Paata Dekh Kar Dil Mustajab-O-Mustajab
Gumbad-e-Khizra Ke Jalway Aur Woh Iftariyan
Yaad Aati Hain Bohot Ramzan-e-Taiba Ki Bahaar
Ya RasoolAllah Sun Lejiye Meri Faryad Ko
Kon Hai Jo Keh Sunny Tere Siwa Meri Pukar
Ghum Zadaa Yoon Na Huwa Hota Ubaid-e-Qadri
Iss Baras Bhi Dekhta Gar Sabz Gumbad Ki Bahar
0 Comments