Salallaho Alayka Ya Rasul Allah!

Salallaho Alayka Ya Rasul Allah!
Wa Sallam Alayka Ya Sayyedi Ya Habeeb Allah!

Mayoosi Ki Kari Dhoop Ne Jab Mujh Ko Sataya,
Tab Aap Ki Rehmat Ne Diya Mujh Ko Saaya,

Rehna Hai Ab To Is Saaye Mein, Mujh Ko Har Pal Sadaa,
Salallaho Alayka Ya Rasul Allah!

Wese To Mujh Pe Hein Kiye Rab Ne Kai Ehsaan,
Lekin Jis Ehsaan Se Pehchan Mili, Mili Shaan,

K Kiya Us Ne Mujhe Aap Ki Ummat Mein Paida,
Salallaho Alayka Ya Rasul Allah!

Jab Se Aap Ka Noor Utra Is Dil K Andar,
Tab Se Yeh Dil Hai Ban Chuka, Muhabbaton Ka Ik Samandar,

Noor-e-Muhammad Ne Nafraton Ko Dil Se Diya Mitaa,
Salallaho Alayka Ya Rasul Allah!

Hai Mili Mujhe Aap Hi Se Har Mor Pe Rehnumai,
Jab Bhi Mein Bhoola Raasta, Aap Hi Ne Raah Dikhai,

Samajh Na Aaye K Aap Ka Karun Kese Shukar Adaa,
Salallaho Alayka Ya Rasul Allah!

Hojatay Hein Gunah Bhi, Aakhir Hun Mein Bhi Insaan,
Par Aap Ki Rehmat To Har Shay K Liye Hai Yaksaan,

To Is Gunahgaar Pe Bhi Ho Karam Ki Ik Nigaah,
Salallaho Alayka Ya Rasul Allah!

Salallaho Alayka Ya Rasul Allah!
Wa Sallam Alayka Ya Sayyedi Ya Habeeb Allah!